Bitak sa lupa pinag-aaralan na.
Nagsasagawa na ng malalimang imbestigasyon ang Mines and Geosciences Bureau sa Region 6 kaugnay sa bitak o crack sa lupa sa bukirin ng bayan ng Isabela sa Negros Occidental.
Partikular na tinutukoy ay ang Brgy. Maytubig at Banog-banog sa Isabela kung saan may mga crack ang lupa doon.
Napag-alaman na ang Maytubig ay katabi at malapit lang sa Bayan ng Guihulngan sa Negros Oriental na tinamaan ng magnitude 6.9 na lindol.
Isinasagawa ang imbestigasyon sa harap ng pangambang magaganap na naman ang landslide sakaling patuloy ang pag-ulan at malagay sa peligro ang tatlumpong pamilya na nasa naturang lugar.
Tinitingnan na rin sa ngayon ng ahensya ang ilang lugar sa bayan ng Moises Padilla at La Castellana sa Negros Occidental na iniulat may mga nag-crack din sa lupa.
