TUMAAS ng 37% ang koleksyon sa buwis ng Marawi City, Lanao del Sur sa unang quarter ng taon.

Ayon kay Revenue District Officer Aminoden Macarampat, nakakolekta ng P94.51 million ang Bureau of Internal Revenue District 102, mas mataas kumpara sa P69.03 million na naitala sa kaparehong quarter noong nakaraang taon kung saan nataasan pa ang target nilang P81.58 million.

Bukod rito, 88% din ang itinaas ng revenue taxes, at 186% naman ang inangat ng percentage taxes.

Ang nasabing pagtaas ay resulta ng magandang information tax campaign na inulunsad ng city government.

TUMAAS sa 12% ang bilang ng mga nabebentang imported na sasakyan sa bansa.

Ayon sa Association of Vehicles Importers and Distributors Avid, nakapagtala ito ng 3, 526 units na naibenta noong nakaraang taon na ngayo’y umakyat sa 6, 527 units ng kotse.

Nakagugulat din ang mabilis na pagbenta ng mga imported cars na umabot sa 2, 333 nito lamanmg nakaraang buwan.

Naniniwala naman ang grupo na makakaangat ito sa ekonomiya car industry.

HINIKAYAT ni Pangulong Benigno Aquino ang publiko na subukan ang small and medium enterprise.

Sa isinagawang convention sa Pasay City, sinabi ng pangulo na maaaring samantalahin ng mga interesado ang tinatawag na "Small and Medium Enterprise Caravans" ng gobyerno na nag-iikot sa buong bansa.

Magandang pagkakataon aniya ito para mapalago ang kasalukuyang negosyo at mahikayat naman ang mga nagbabalak pa lamang.

Sa ngayon, nasa 24 na lugar na sa bansa ang nabisita ng caravan at 18,000 Pilipino ang nakikiisa.

SA Solano, Nueva Vizcaya.

Isusulong sa lalawigan ang organikong pamamaraan ng pagsasaka upang matulungan ang mga maralitang pamilya.

Ito ay sa tulong ng pondong inilaaan ng Japanese government na nasa P21.3 million.

Kabilang sa mga tuturuang lugar ay ang pagsasaka sa mga bayan ng Sta. Fe, Dupax del Sur, Kayapa at Ritao upang mapadami ang ani ng mga magsasaka sa walong barangay.

Ang nasabing proyekto ay magtuturo ng kaalaman sa mga magsasaka upang mapababa ang paggamit ng kemikal sa mga produktong agrikultura lalo na ang pagpapalaganap ng mga bagsakan para sa mga organikong produkto ng mga magsasaka.